ဒေါ်အောင်ဆန်းစုကြည်ကို ကူညီသူ ဦးဝင်းထိန် နှင့် ဆက်သွယ်မေးမြန်းခြင်း ..............
"အခုရွေးကောက်ပွဲကလည်း သူတို့က တရားဝင် မကြေညာဘဲနဲ့ အာဏာ ပြန်သိမ်းတာပဲ။ သဘောကတော့ ဒီအတိုင်းပဲ။ ပြည်သူလူထုတွေကို မေးကြည့်လိုက်ရင် မကျေနပ်တဲ့လူက အများကြီး။ ဒါပေမယ့် အကြောက်တရား ရှိနေကြတယ်။ အဲဒီ အကြောက်တရားကိုတော့ ကိုယ့်ကိုယ်ကို ဆင်ခြင်ပြီးတော့မှ မတရားတာကို နည်းမျိုးစုံနဲ့ တတ်နိုင်သမျှ ဆန့်ကျင်ပေးကြပါ။ အထူးသဖြင့် ဒေါ်အောင်ဆန်းစုကြည်လို ပုဂ္ဂိုလ်တွေကို ပိုပြီးတော့ ထောက်ခံပေး ကြပါလို့ မေတ္တာရပ်ခံချင်တယ်။ ဒါပါပဲဗျာ။"
ဗိုလ်ကြီးဟောင်း ဦးဝင်းထိန်
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ နေအိမ်မှာ အကျယ်ချုပ်နဲ့ အကျဉ်းကျနေရာက နိုဝင်ဘာ၁၃ရက်နေ့မှာ ပြန်လည် လွတ်မြောက်လာခဲ့ပါပြီ။ ဒီနှစ်ထဲမှာပဲ ကသာအကျဉ်းထောင်ကနေ ပြန်လည်လွတ်မြောက်လာခဲ့သူဟာ ဒေါ်အောင်ဆန်းစုကြည်ရဲ့ လက်ထောက် တစ်ဦးဖြစ်ခဲ့သူ ဗိုလ်ကြီးဟောင်း ဦးဝင်းထိန်ပါ။ သူ့ရဲ့ခေါင်းဆောင် ဒေါ်အောင်ဆန်းစုကြည်နဲ့ ပတ်သက်ပြီး ဦးဝင်းထိန်ရဲ့ ရှုမြင် သုံးသပ်ထားတဲ့ အမြင်သဘောထားတွေကို ဒီတပတ် "တပ်မှူးတပ်သား ပြောစကား" အပတ်စဉ်ကဏ္ဍမှာ "မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် နှင့် အောင်စစ်သည်ဆုရ ဗိုလ်ကြီးဟောင်း ဦးဝင်းထိန်" ခေါင်းစဉ်နဲ့ ဦးရော်နီညိမ်းက စီစဉ် တင်ဆက်ထားပါတယ်။
ဦးရော်နီညိမ်း။ ။ စစ်အစိုးရက ချမှတ်ခဲ့တဲ့ ထောင်ဒဏ်၁၄နှစ်ကို လျှော့ရက်မရှိ အပြည့်အ၀ ကျခံခဲ့ရပြီးတော့၊ ပြီးခဲ့တဲ့ ဇူလိုင်လ၁၅ ရက်နေ့က ကသာထောင်ကနေ ပြန်ပြီး လွတ်မြောက်လာသူကတော့ အမျိုးသား ဒီမိုကရေစီ အဖွဲ့ချုပ် [NLD] က ဗိုလ်ကြီးဟောင်း ဦးဝင်းထိန် ဖြစ်ပါတယ်။ ပြည်ပ သတင်းမီဒီယာတွေကို သတင်းမှားတွေ ပေးပို့တယ်ဆိုတဲ့ စွပ်စွဲချက်နဲ့ ၁၉၉၆ခုနှစ်မှာ ဦးဝင်းထိန်ဟာ ဒုတိယအကြိမ် ဖမ်းဆီးခံရပြီး ထောင်ဒဏ်၁၄နှစ် ကျခံခဲ့ရတာ ဖြစ်ပါတယ်။ ၁၉၈၉ ခုနှစ်ကလည်း ဇူလိုင်လ၂၀ရက်နေ့မှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အတူ အထိန်းသိမ်းခံခဲ့ရပြီး ပထမအကြိမ် ထောင်ဒဏ်၆နှစ် ကျခံခဲ့ရပါတယ်။ ၁၉၉၅ ခုနှစ်မှာ ပြန်ပြီး လွတ်လာခဲ့ပါတယ်။ ဒေါ်အောင်ဆန်းစုကြည် ရဲ့ အနီးကပ် လက်ထောက်တစ်ဦး ဖြစ်လာခဲ့ပုံကို ဦးဝင်းထိန်က အခုလို ရှင်းပြခဲ့ပါတယ်။
ဦးဝင်းထိန်။ ။ စစချင်းကတော့ ကျနော်က ဦးတင်ဦး အနားမှာပဲ ရှိတယ်လေ။ ဒေါ်အောင်ဆန်းစုကြည်က နေပြီးတော့ တစ်နိုင်ငံလုံး စည်းရုံးရေး ခရီးထွက်မယ်၊ ထွက်တဲ့အခါ မြို့တွေမှာ ရင်ဆိုင်ရမယ့် ကိစ္စတွေကို ဒိုင်ခံ ဖြေရှင်းနိုင်မယ့် လူတစ်ယောက် ပေးပါ ဆိုပြီးတော့၊ ဒေါ်အောင်ဆန်းစုကြည်က ဦးတင်ဦးဆီကို ပြောတဲ့အခါမှာ ကျနော်က ပါသွားတယ်။ စစချင်း အထက်မြန်မာပြည်ပေါ့၊ ပြည်တို့ မကွေးတို့ တောင်တွင်းကြီး တို့ အစရှိတဲ့ နေရာတွေ သွားတဲ့အခါမှာ အဲဒီကတည်းက သူတို့က NLD ကို စနစ်တကျ နှိပ်ကွပ်ရမယ် ဆိုတာ ညွှန်ကြားချက် ရှိထားတယ်နဲ့ တူတယ်။ ရောက်တဲ့နေရာတွေမှာ ပြဿနာ ရှာတယ်။ ပြဿနာရှာတဲ့ အခါကျတော့ မ၀တ ဥက္ကဋ္ဌတွေက များသောအားဖြင့်ကလည်း စစ်တပ်က လူတွေ ဆိုတဲ့ အခါကျတော့၊ ကျနော်က ပြောရ ဆိုရတာ လွယ်တယ်။ သာယာ ညှင်းပြောင်း ပြောမယ်၊ သို့မဟုတ်လည်း တခါတလေ ကျရင် ဆွေးနွေးမယ်၊ တခါတလေ ကျရင်လည်း နည်းနည်း တင်းတင်းမာမာ ပြောမယ်နဲ့ ပြဿနာတွေကို ဖြေရှင်းလာတော့၊ နောက်ဆုံးမှာ ပြန်လာတဲ့အခါမှာ ကျနော့်ကို ဒေါ်စုရုံးမှာ ထားပေးပါလို့ မေတ္တာရပ်ခံတော့ ကျနော်ကလည်း လိုလိုလားလားနဲ့ ရောက်သွားတယ်။
ရောက်သွားတဲ့ အခါမှာတော့ ဒေါ်စုရဲ့ ရုံးကိစ္စတွေ အစည်းဝေး ကိစ္စတွေ၊ စာတွေ ဖတ်တယ်၊ ပြင်တယ် လုပ်တဲ့အခါမှာ သူများတွေက ကျနော့်ကို မျိုးစုံပြောတာပေါ့၊ ဒေါ်စုရဲ့ ပီအေ၊ ဒေါ်စုရဲ့ ပီအက်စ်အို၊ ဒေါ်စုရဲ့ ရုံးအဖွဲ့မှူး ဘာညာ။ ကျနော်ကတော့ ကိုယ့်ကိုယ်ကို ရာထူးရယ်လို့ သတ်မှတ်ထားတာကို မရှိဘူး။ ဒေါ်စု အထွေထွေ အတွင်းရေးမှူးရဲ့ ရုံးကိစ္စတွေ လုပ်ပေးတဲ့ လူတစ်ယောက် အဖြစ်ပဲ ကိုယ့်ကိုယ်ကို သတ်မှတ်ထားတယ်။ ဒါ တစ်ချက်။
နောက်တစ်ချက်က ဒေါ်အောင်ဆန်းစုကြည်ကလည်း ကျနော့်ထက် ငယ်တာကိုး။ ငယ်တော့ ကျနော့်ကို သူ့ရဲ့ လက်ထောက် အနေနဲ့ ပြောရမှာ ပါးစပ်က သူ နှုတ်တွန့်နေဟန် တူတယ်။ အားနာနေဟန် တူတယ်။ ဒါကြောင့် ကျနော့်ရဲ့ရာထူးကို သီးခြား ဘာမှ ကျနော်တို့ နှစ်ယောက်ကြားမှာ သတ်မှတ်ထားတာ မရှိဘဲနဲ့ သူများ ပြောရင်လည်း ရုံးအဖွဲ့မှူး ဆိုလည်း 'ဟုတ်တာပေါ့'၊ ဒေါ်စုလက်ထောက် ဆိုလည်း 'သြော် ဟုတ်တယ်'၊ ဒေါ်စု ရဲ့ပီအေ ဆိုလည်း 'ထားလိုက်ပါတော့'။ အဲ… အဲဒီလိုမျိုးနဲ့ ဖြစ်လာတာပါ။
ဦးရော်နီညိမ်း။ ။ ပြီးခဲ့တဲ့၂၂နှစ်အတွင်း ထောင်ထဲမှာ စုစုပေါင်း နှစ်၂၀လောက် နေခဲ့ရသူ ဦးဝင်းထိန်ဟာ ၁၉၆၃ ခုနှစ် စစ်တက္ကသိုလ် ဗိုလ်သင်တန်း အပတ်စဉ်၅ရဲ့ အောင်စစ်သည်ဆု နဲ့ စာပေထူးချွန်ဆု၊ ဆုနှစ်ဆုကို ရပြီး ကျောင်းဆင်းခဲ့သူ ဖြစ်ပါတယ်။ မြန်မာ့တပ်မတော် ကြည်းမှာ အရာရှိ ဖြစ်လာခဲ့သူ ဗိုလ်ကြီးဝင်းထိန်ဟာ ၁၉၇၆ ခုနှစ်မှာတော့ ကာကွယ်ရေးဦးစီးချုပ် ဗိုလ်ချုပ်ကြီးသူရကျော်ထင်ရဲ့ ကိုယ်ရေးအရာရှိ ဗိုလ်ကြီးအုန်းကျော်မြင့်ရဲ့ မြန်မာ့ ဆိုရှယ်လစ် လမ်းစဉ်ပါတီ ထိပ်တန်း ခေါင်းဆောင်တွေကို လုပ်ကြံမယ့် အစီအစဉ်မှာ ပတ်သက်မှု ရှိခဲ့တယ် ဆိုတဲ့ စွပ်စွဲချက်နဲ့ တပ်မတော်ကနေ ထုတ်ပယ်ခြင်း ခံခဲ့ရပါတယ်။
ဦးဝင်းထိန်ဟာ ၁၉၈၈ ခုနှစ် လူထုအုံကြွမှု အရေးတော်ပုံ ကာလအထိ နိုင်ငံခြားကုမ္ပဏီတွေရဲ့ ဌာနေ ကိုယ်စားလှယ်အဖြစ်၊ အဲဒီခေတ်က အောင်မြင်တဲ့ ကိုယ်ပိုင် စီးပွားရေး လုပ်ငန်းကို လုပ်ကိုင်ခဲ့သူ တစ်ဦး ဖြစ်ပါတယ်။ ရှစ်လေးလုံး အရေးတော်ပုံကြီး ကာလမှာ ဦးဝင်းထိန်ဟာ "မျိုးချစ် ရဲဘော်ဟောင်းများ" အဖွဲ့ဝင် တစ်ဦး ဖြစ်ခဲ့ပြီးတော့၊ NLD ကို ဖွဲ့စည်း တည်ထောင်ခဲ့ရာမှာ အငြိမ်းစား ဗိုလ်ချုပ်ကြီး သူရဦးတင်ဦးရဲ့ လက်ထောက်တွေထဲက တစ်ဦးအဖြစ်နဲ့ NLD ပါတီထဲကို ရောက်ရှိလာခဲ့ပါတယ်။ ဒီလို ဒေါ်အောင်ဆန်းစုကြည်ရဲ့ ယုံကြည်စိတ်ချစွာ တာဝန်တွေ ပေးအပ်ခြင်းခံရသူ ဖြစ်လာတဲ့အခါမှာ။ ကိုယ့်ရဲ့ ခေါင်းဆောင် အပေါ် ပထမဆုံး သူ့ရဲ့ ရှုမြင် သုံးသပ်ခဲ့မှုကို ဦးဝင်းထိန်က အခုလို ပြောပါတယ်။
ဦးဝင်းထိန်။ ။ ပွင့်ပွင့်လင်းလင်း ပြောရမယ် ဆိုရင်တော့ ဒေါ်အောင်ဆန်းစုကြည် ဆိုတာ နာမည်ပဲ ကြားဖူးတာကိုး။ နာမည်ပဲကြားဖူးတဲ့ အခါကျတော့ သူ့ အရည်အချင်းလည်း ကျနော် မသိဘူး။ ကျနော့်ထက်လည်း ငယ်တယ်။ နောက်ပြီးတော့ နိုင်ငံခြားမှာလည်း သွားနေတယ် ဆိုတော့၊ ကျနော် သိပ်ပြီးတော့ လေးလေးနက်နက် မရှိမိဘူး။ သို့သော် ခရီးသွားရင်းနဲ့ တွေ့တဲ့အခါမှာ၊ ပြည်သူလူထုနဲ့ ဆက်ဆံတာတွေ နောက် သူ့ရဲ့ပြောဆိုတာတွေ၊ နှစ်ယောက်ချင်း အချိန်ရလို့ ပြောတာ ဆိုတာတွေ ရှိတဲ့အခါမှာ သူဟာ ကျနော့်ထက် ငယ်သော်လည်းပဲ၊ နိုင်ငံရေး အရည် အချင်းကတော့ ကျနော့်ထက် အများကြီး မြင့်တယ် ဆိုတာ သိလိုက်ရတဲ့အတွက်၊ ဒါက တစ်ကြောင်း။
နောက် တစ်ကြောင်းက သူ့ရဲ့ စေတနာ။ ဘာ စေတနာလဲ ဆိုရင် နိုင်ငံရေး လုပ်တဲ့အခါမှာ ဒီနိုင်ငံရဲ့ အာဏာ အပြောင်းအလဲကို သွေးထွက်သံယို မရှိဘဲနဲ့ လုပ်တဲ့ ထုံးတမ်းစဉ်လာတစ်ခု တည်ဆောက်မယ် ဆိုတဲ့ သူ့ရဲ့စေတနာကို ကျနော်က လေးစားပြီးတော့မှ သူ့ဆီမှာ လုပ်ဖို့ သဘောတူခဲ့တာ။
ဦးရော်နီညိမ်း။ ။ ၁၉၈၉ ခုနှစ် အာဇာနည်နေ့မှာ စစ်အစိုးရက NLD ပါတီအနေနဲ့ လူထုကို ဦးဆောင်ပြီး အာဇာနည်ဗိမာန်ကို ချီတက်ပွဲ ပြုလုပ်ရင်၊ ပစ်ခတ် နှိမ်နင်းမယ်လို့ ရာဇသံ ပေးထားခဲ့တဲ့အပေါ် ဒေါ်အောင်ဆန်းစုကြည် အနေနဲ့ အရေးကြီးတဲ့ ဆုံးဖြတ်ချက်ကို ချတာမှာ အနီးကပ် လက်ထောက်ဖြစ်နေသူ ဦးဝင်းထိန်အနေနဲ့ သူကြုံတွေ့ခဲ့ရတဲ့ အတွေ့အကြုံကို အခုလို ပြောပါတယ်။
ဦးဝင်းထိန်။ ။ အာဇာနည်နေ့ ကိစ္စကတော့ ဒါ န၀တ အစိုးရ ထောင်ဖမ်းတဲ့ သဘောပေါ့။ ဘယ်လို ထောင်ဖမ်းသလဲ ဆိုရင်၊ အာဇာနည် ကုန်းကို ချီတက်တဲ့နေ့မှာ ဘယ်နှစ်ယောက်ပဲ လာရမယ်တို့ ဘယ်နှစ်ယောက်ပဲ အလေးပြုခွင့်ရှိတယ်တို့ သတ်မှတ်လိုက်တယ် ဆိုတာ ဒါ တမင် သက်သက် နိုင်ငံရေးဆင်ကွက်ကိုး။ အဲဒါကို ဒေါ်စုက လက်မခံဘဲနဲ့ ပထမ သူတို့အမိန့်ကို မနာခံဘဲ ချီတက်မယ် ဆိုပြီးတော့၊ ညကျမှ လူကြီးတွေနဲ့ တိုင်ပင်ပြီးတော့ နောက်တစ်နေ့ မချီ တက်တော့ဘူး ဆိုတဲ့ သဘောဖြစ်တဲ့အခါ၊ ဒါပေမယ့် အဲလို လုပ်တဲ့အခါမှာ နောက်ကျသွားပြီ။ သူတို့က နှိပ်ကွပ်ဖို့ ဆုံးဖြတ်လိုက်တဲ့ အခါမှာ၊ ကျနော် အပါအ၀င် ဒေါ်စုခြံထဲမှာ ရှိတဲ့လူတွေ အကုန်လုံးကို ထောင်ထဲ ပို့လိုက်တာပေါ့။
ဒေါ်အောင်ဆန်းစုကြည်ကတော့ သူက နိုင်ငံတကာ အတွေ့အကြုံကော၊ ပြည်တွင်းမှာ ၁၉၈၉ခုနှစ် ဇူလိုင်လအထိ လှုပ်ရှားခဲ့တာကော၊ နည်းတာမဟုတ်ဘူး။ နောက်ပြီးတော့ အရေးကြီးတဲ့ ဆုံးဖြတ်ချက်တွေ ချမယ် ဆိုလို့ရှိရင် ဒီ CEC [Central Executive Committee – ဗဟို အလုပ်အမှုဆောင် ကော်မီတီ] ပေါ့၊ ဦးကြည်မောင်တို့ ဦးအောင်ရွှေတို့ ဗိုလ်ချုပ်ကြီးတင်ဦးတို့ နဲ့ တိုင်ပင်သလို ကျနော်တို့နဲ့လည်း သီးသန့် တိုင်ပင်တာတွေ ရှိတယ်။ တိုင်ပင်တဲ့အခါမှာ ကျနော်တို့က ကိုယ့်အမြင်ကို ပွင့်ပွင့် လင်းလင်း ပြောတဲ့အခါမှာ တခါတလေကျ သူ လက်ခံတာလည်း ရှိတယ်။ လက်မခံတာလည်း ရှိတယ်။ သူ လက်မခံတဲ့ဟာတွေလည်း ကျနော်တို့က နားလည်တယ်။ အဲဒီလိုပေါ့၊ တဘက်သတ် န၀တ စွပ်စွဲသလို အာဏာကို သုံးပြီးတော့မှ သူ့အရှိန်အ၀ါနဲ့ လူကြီးတွေကော လူငယ်တွေကော ဒရွတ်တိုက်ပြီး ခေါ်သွားတယ် ဆိုတဲ့ဟာ မဟုတ်ပါဘူး။
ဦးရော်နီညိမ်း။ ။ ပထမအကြိမ် ဖမ်းဆီးခြင်း ခံခဲ့ရပြီး ၆နှစ်အကြာ ၁၉၉၅ ခုနှစ်မှာ ဦးဝင်းထိန်ဟာ ဒေါ်အောင်ဆန်းစုကြည်ထက် လအနည်းငယ်စောပြီး လွတ်မြောက်လာခဲ့ပါတယ်။ ဒေါ်အောင်ဆန်းစုကြည် အကျဉ်းကျနေစဉ်မှာ စစ်အစိုးရရဲ့ဖိအားပေးမှုနဲ့ ဒေါ်အောင်ဆန်းစုကြည်ကို NLD ကနေ ထုတ်ပယ်ခဲ့ရတယ်ဆိုတဲ့ ကိစ္စနဲ့ ပတ်သက်ပြီး ဒေါ်အောင်ဆန်းစုကြည်က ဒီကိစ္စ အပေါ်မှာ ရပ်တည်ခဲ့ပုံကို ဦးဝင်းထိန်က အခုလိုပြောပြပါတယ်။
ဦးဝင်းထိန်။ ။ ၁၉၉၅ ခုနှစ်မှာ ကျနော်က ဖေဖော်ဝါရီလ ၅ရက်နေ့မှာ လွတ်တယ်။ ဒေါ်စုက ဇူလိုင်လ၁၀ ရက်နေ့မှာ လွတ်တယ် ဆိုတော့၊ ၅ လလောက် ကွာတာပေါ့။ အဲဒီတုန်းက န၀တရဲ့ ဖိအားပေးမှုကြောင့် ဒေါ်အောင်ဆန်းစုကြည်နဲ့ ဦးတင်ဦးကို NLD က ထုတ်ထားပြီးပြီ။ အဲဒီတော့ နယ်တွေမှာလည်း အဲဒီလို ထုတ်ထားလို့ မကျေနပ်တဲ့ကိစ္စနဲ့ ပတ်သက်ပြီး အသီးသီး တကွဲတပြား ဖြစ်နေကြပြီ။ အဲလိုဆိုတော့ …အင်း ..ဒေါ်စု လွတ်ရင်တော့ ဘယ်လိုများနေမလဲမသိဘူး ဆိုပြီး၊ ကျနော် အတွေးတွေ ဝေနေတာပေါ့။
တကယ်လည်း ဇူလိုင်လ ၁၀ ရက်နေ့ လွတ်တဲ့ အခါကျတော့၊ အပြင်က လူအုပ်ကြီးတွေ အများကြီးပေါ့လေ။ နိုင်ငံခြားသံရုံးတွေ နိုင်ငံခြားသတင်းထောက်တွေပါ အကုန်လုံး ရောက်လာတဲ့အချိန်မှာ ပထမဦးဆုံးမေးတဲ့ မေးခွန်းက ဘာလဲ ဆိုရင်၊ "ဒေါ်အောင်ဆန်းစုကြည်က ဦးအောင်ရွှေအပေါ်မှာ ဘယ်လို သဘော ထားသလဲ" ဆိုတာ။ အဲဒီ မေးခွန်းက သိပ်အရေးကြီးတယ်။ ကျနော်လည်း လုံးဝ မမျှော်လင့်ထားဘူး။
ဦးအောင်ရွှေတို့ ဦးလွင်တို့ ဆိုတာက NLD ကနေ ဒေါ်စုကို ထုတ်ထားတဲ့ ပုဂ္ဂိုလ်တွေ။ အဲဒီအချိန်မှာ ထိုင်နေတာက ညာဘက်မှာ ဦးအောင်ရွှေနဲ့ ဦးလွင်၊ ဘယ်ဘက်မှာ ဦးတင်ဦး နဲ့ ဦးကြည်မောင်။ ကျနော်က မှတ်တမ်းတင်ပေါ့။ အဲဒီတော့ ဒေါ်စုရဲ့အဖြေက ဘယ်လောက်အထိ အချက်ကျသလဲ ဆိုလို့ရှိရင် "ကျမတို့ အခု ဒီလို အတူတူ ထိုင်နေကြတာပဲ ကြည့်ကြပါ။ ဒီလို အတူတူ ညီညီညွတ်ညွတ် ထိုင်နေကြသလို နောင်ဆိုရင်လည်း ဒီလိုပဲ ညီညီညွတ်ညွတ် လုပ်သွားကြမယ်" ဆိုတဲ့ အဖြေ တစ်ခုနဲ့တင် အရင်တုန်းက န၀တ ဆင်ထားတဲ့ ဆင်ကွက်ကြီးက အကုန်လုံး ပျက်သွားတယ်။ သူတို့ ဆင်တာက ဘယ်လိုလဲ ဆိုတော့ ဦးအောင်ရွှေနဲ့ ဦးလွင်ကတော့ ဒေါ်စုကို ထုတ်လိုက်ပြီ။ ဒေါ်စုက မာနကြီးတယ်။ စိတ်ထက်တယ်။ ဒေါ်စုကတော့ ခံမှာ မဟုတ်ဘူး။ ဦးအောင်ရွှေနဲ့ ဦးလွင်ကို ဆော်ကြမှာပဲ။ NLD နှစ်ခြမ်းကွဲမှာပဲ ဆိုတဲ့ ပုံစံမျိုးနဲ့ လုပ်တဲ့ ခွင်ကြီးဟာ၊ အဲဒီ အဖြေ တစ်ခုတည်းနဲ့ ကိစ္စ ပြီးသွားပြီ လို့ ကျနော်က ဘေးကနေရင်းနဲ့ သဘောပေါက်လိုက်တယ်။
ဦးရော်နီညိမ်း။ ။ ပြီးခဲ့တဲ့ ရွေးကောက်ပွဲမှာ ဦးဝင်းတင်က ပြောပါတယ်။ "ဒီရွေးကောက်ပွဲ ဒီလိုပဲ ဖြစ်လိမ့်မယ်။ ဒီလိုတွေပဲ ကြုံရမယ်" ဆိုတာ သိနေတဲ့ ဒေါ်အောင်ဆန်းစုကြည်က ဒီရွေးကောက်ပွဲကို NLD အနေနဲ့ မ၀င်ဖို့ ဆုံးဖြတ်ချက်ချမှုက ခိုင်မာတယ်၊ ဒီဆုံးဖြတ်ချက်ပေါ် မူတည်ပြီးတော့ "ပြည်သူလူထုကလည်း ကိုယ် မဲမပေးချင်တဲ့ပါတီကို မဲမပေးဘဲ နေလို့ရတယ်" ဆိုတဲ့ ဒေါ်အောင်ဆန်းစုကြည်ရဲ့ ပြည်သူကို သတင်းပေးချက်ကလည်း အောင်မြင် ပေါက်ရောက်တယ်၊ ဒါတွေ အတွက်ကြောင့် မို့လို့ "ဒီရွေးကောက်ပွဲမှာ ဒေါ်အောင်ဆန်းစုကြည် နိုင်တယ်" လို့ ဦးဝင်းတင်က ပြောပါတယ်။ အဲဒီအပေါ်မှာကော ဦးဝင်းထိန် အနေနဲ့ ဘယ်လိုများ မှတ်ချက်ပေးချင်ပါသလဲ ခင်ဗျာ။
ဦးဝင်းထိန်။ ။ ကျနော်က အခု သွားတာ လာတာတွေက ဘတ်စ်ကားနဲ့ သွားနေတယ်။ ဘာ့ကြောင့်လဲ ဆိုရင် ဘတ်စ်ကားထဲမှာ လူတွေ ပြောတဲ့ဆိုတဲ့အသံကို နားထောင်ချင်လို့။ အခု ရွေးကောက်ပွဲလည်း ပြီးလို့ မနေ့ကကော တမြန်နေ့ကကော ဘတ်စ်ကားပေါ်မှာ "ဟာ အန်အယ်လ်ဒီလုပ်တာ မှန်တာပေါ့၊ ဒေါ်စုလုပ်တာ မှန်တာပေါ့" ဆိုတာမျိုးတွေ ကြားရတယ်။ အဲဒီလိုတွေ ဖြစ်လာတယ်။ ပြောရရင်တော့ ပါဠိ စကား ပေါ့ဗျာ။ ဗဟိဒ္ဓ နဲ့ အဇ္ဇျတ။ ဗဟိဒ္ဓ ဆိုတာ 'အပြင်' ပေါ့။ 'အဇ္ဇျတ' ဆိုတာ အတွင်းသားပေ့ါ။ ဗဟိဒ္ဓအားဖြင့် ဆိုရင် သတင်းစာထဲမှာ ကြည့်လိုက်၊ အမတ်တွေဟာ ပြည်ခိုင်ဖြိုး၊ ပြည်ခိုင်ဖြိုး၊ ပြည်ခိုင်ဖြိုး၊ ပြည်ခိုင်ဖြိုး အကုန်လုံးပဲ။ ဒါ ဗဟိဒ္ဓအားဖြင့် သူတို့ နိုင်တယ် ဆိုတဲ့ သဘောပေါ်တာပေါ့။ သို့သော်လည်း အဇ္ဇျတ အားဖြင့် ဆိုရင် အရပ်ထဲမှာ သွားကြည့်၊ ဈေးထဲမှာ သွားကြည့်၊ ဘတ်စ်ကားပေါ်မှာ သွားကြည့်၊ လူတွေက ဒီရွေးကောက်ပွဲကြီးကို ဟာသ လုပ်နေကြတယ်။ အပြစ် ပြောနေကြတယ်။ ဟာ.. ရိုက်စားကြီးပါကွာ ပေါ့။ အဲဒီတော့ အဇ္ဇျတအားဖြင့် ဆိုရင် ဒေါ်အောင်ဆန်းစုကြည်ပြောတဲ့ အနှစ်သာရဟာ မှန်ကန်တယ်။ အမှန်အတိုင်း သုံးသပ်ကြည့်ရမယ် ဆိုရင်တော့ ကျနော်တို့ NLD ဟာ၊ တကယ့် ဒေါင်ဒေါင်မြည်တွေပဲ ကျန်တယ်။ နောက်ပြီးတော့ ယောယိယောရာ informer စစ်အစိုးရကို သတင်းပေးသူများ တွေကလည်း အများကြီးပဲ။ ကျနော် သတိထားမိတယ်။ နောက် ဒေါ်စုအနေနဲ့ ဘာ program ချမလဲ ဆိုတာလည်း ကျနော်တို့ မျှော်လင့်နေတယ်။
အခုတလော ခင်ဗျားတို့ လည်း ကြားမှာပေါ့။ "ဒုတိယ ပင်လုံညီလာခံ" ခေါ်မယ့် ကိစ္စ။ အဲဒီကြေညာချက် ထုတ်တုန်းက ကျနော် ဒုလဘ္ဘ ရဟန်းဝတ်နေလို့ မကြားမိဘူး။ အပြင် ထွက်လာတဲ့ အခါကျမှ ကြားတဲ့အခါကျတော့ စဉ်းစားကြည့်တာမှာ ဒီအယူအဆဟာ တော်တော်တော့ အဓိပ္ပာယ် ရှိတယ်လို့။ ဘာလို့လဲ ဆိုရင် ကျနော်တို့ တိုင်းပြည်မှာ အခုထက်ထိ တိုင်းရင်းသား အချင်းချင်း ညီညီညွတ်ညွတ်နဲ့ စစ်မှန်တဲ့ငြိမ်းချမ်းရေး မရနိုင်သေးဘူး။ တကယ့် စစ်မှန်တဲ့ တိုင်းရင်းသား စည်းလုံးညီညွတ်မှု မရနိုင်သေးတဲ့အတွက် ရအောင်လုပ်ဖို့၊ ဒုတိယအကြိမ် ပင်လုံညီလာခံ လုပ်တာဟာ အင်မတန် အဓိပ္ပာယ်ရှိတယ်လို့ ကျနော် သဘောပေါက်တယ်။ ကိုယ့်ဘာသာ စဉ်းစားပြီးတော့ ဒါကို သိပ်သဘောကျနေတာ။
ဦးရော်နီညိမ်း။ ။ ဒေါ်အောင်ဆန်းစုကြည် ပြန်လည် လွတ်မြောက်လာတဲ့အခါမှာ ဦးဝင်းထိန်အနေနဲ့ ကိုယ့်ရင်ထဲက လာတဲ့ ရဲဘော်ရဲဘက် စကားမျိုး ဘယ်လိုများ ပြောဖို့ စဉ်းစားထားပါသလဲလို့ နောက်ဆုံး မေးပါရစေခင်ဗျာ။
ဦးဝင်းထိန်။ ။ ကျနော်တို့ နှစ်ပေါင်း ၂၀ NLD မှာ လှုပ်ရှားပါဝင်တဲ့အခါမှာ၊ ဒေါ်စုက စပြီး ဟိုးအောက်ခြေက NLD ပါတီဝင်တွေ အထိဟာ ဆုံးရှုံးမှုတွေ၊ နစ်နာမှုတွေ၊ ပေးဆပ်မှုတွေ အသက်တောင် သေသွားပြီး အသက် စွန့်တဲ့လူတွေ အများကြီး ရှိခဲ့တယ်။ ရှိခဲ့တော့၊ အဲဒီလို လူတွေ ရှိတဲ့အတွက်ကြောင့် ကျနော့်မှာ ဆုံးရှုံးရချည်ရဲ့လို့ ပြောရမှာ ရှက်တယ်။ အဲဒီတော့ ကိုယ့်ယုံကြည်ချက်ကလည်း ရှိနေတဲ့ အတွက်ကြောင့်မို့ ဒေါ်စု လုပ်တဲ့အတိုင်း ကျနော် ဆက်ပြီးတော့ လုပ်ရလိမ့်မယ်။ ဆက်ပြီးတော့လည်း သူ ကျနော့်ကို ဘယ်မှာ ထားမလဲ၊ သူ့နားမှာ ထားချင်လည်း ထား၊ မထားချင်လည်း မြို့နယ် ပို့မလား၊ တိုင်း ပို့မလား၊ ကြိုက်တဲ့နေရာ ပို့၊ လုပ်မယ်လို့ ကျနော် ဆုံးဖြတ်ပြီးပြီ။
ကျနော်တို့ ၁၉၉၀ ခုနှစ် ရွေးကောက်ပွဲကြီး တစ်ခုလုံးမှာ NLD က ပြတ်ပြတ်သားသား နိုင်ခဲ့တဲ့အတွက်ကြောင့်မို့၊ အခုရွေးကောက်ပွဲကလည်း သူတို့က တရားဝင် မကြေညာဘဲနဲ့ အာဏာ ပြန်သိမ်းတာပဲ။ သဘောကတော့ ဒီအတိုင်းပဲ။ ပြည်သူလူထုတွေကို မေးကြည့်လိုက်ရင် မကျေနပ်တဲ့လူက အများကြီး။ ဒါပေမယ့် အကြောက်တရား ရှိနေကြတယ်။ အဲဒီ အကြောက်တရားကိုတော့ ကိုယ့်ကိုယ်ကို ဆင်ခြင်ပြီးတော့မှ မတရားတာကို နည်းမျိုးစုံနဲ့ တတ်နိုင်သမျှ ဆန့်ကျင်ပေးကြပါ။ အထူးသဖြင့် ဒေါ်အောင်ဆန်းစုကြည်လို ပုဂ္ဂိုလ်တွေကို ပိုပြီးတော့ ထောက်ခံပေး ကြပါလို့ မေတ္တာရပ်ခံချင်တယ်။ ဒါပါပဲဗျာ။
ရော်နီညိမ်း - VOA
ကိုယ်တိုင်ရေး ထောင်တွင်း အတွေ့အကြုံ နှင့် အတွေးအမြင် (၁၉၈၉ - ၂၀၀၈)
စာမျက်နှာ ၃၀၀ ကျော်၊ တန်ဖိုး ၁၅ ဒေါ်လာ၊ စာပို့စာရိတ် ၅ ဒေါ်လာ - စုစုပေါင်း ၂၀ ဒေါ်လာ
မြန်မာပြည်တွင်းရှိ နိုင်ငံရေးအကျဉ်းသားများ ကူညီစောင့်ရှောက်ရေး ရန်ပုံငွေအဖြစ် သုံးစွဲရန် ဖြစ်ပါတယ်။
(ယူအက်စ်အေ အတွင်းသာ ပေးပို့မှာ ဖြစ်ပါတယ်)
ဗိုလ်ခင်ညွန့် ဘယ်ပျောက်နေသလဲ
နိုဝင်ဘာ ၂၆၊ ၂၀၁၀
အကျယ်ချုပ် ချခံနေရသူ ဗိုလ်ချုပ်ကြီးဟောင်း ခင်ညွန့်ကို ပြောင်းရွှေ့ချုပ်နှောင်သည့်မြင်ကွင်းဟု ယူဆရသည့် ဗီဒီယိုဖိုင်တခု မကြာသေးမီက အင်တာနက်စာမျက်နှာသို့ ရောက်လာသည်။
FaceBook အင်တာနက် လူမှုကွန်ရက်တွင် အကောင့် ရှိသူများ http://www.facebook.com/video/?id=100001219370983#!/video/video.php?v=144212602296051 တွင် သွားရောက် ကြည့်ရှုနိုင်သည်။
မိုး အနည်းငယ်ရွာနေသည့် ညဘက်တွင် ရန်ကုန်မြို့ရှိ ဦးခင်ညွန့်၏ အိမ်ရှေ့သို့ လုံခြုံရေး အရာရှိတချို့  စုဝေးနေပုံကို ဗီဒီယို အစပိုင်းတွင် တွေ့ရသည်။ ခြံတခါးဝ၊ အိမ်ရှေ့တံခါးဝတို့တွင် ၂ မိနစ်ကြာမျှ စောင့်ဆိုင်းပြီးနောက် ဦးခင်ညွန့်၊ ဇနီးဖြစ်သူ ဒေါ်ခင်ဝင်းရွှေတို့ တံခါးဖွင့်ပေးသည်ကို တွေ့ရသည်။
ဆံပင်ဆေးဆိုးမထားသည့် ဦးခင်ညွန့်သည် ပုဆိုး၊ ဂျာကင်အဖြူတို့ကို ၀တ်ဆင်ထားသည်။
အရာရှိများထဲမှ ရဲချုပ်ခင်ရီဟု ယူဆရသူက ဦးခင်ညွန့်ကို အလေးပြုပြီး အိမ်ထဲသို့ ၀င်သွားကြသည်။ ဦးခင်ညွန့်က ပြန်လည် အလေးပြုခြင်း မရှိပေ။
ထို့နောက် အရာရှိများနှင့် ဦးခင်ညွန့်တို့ ၀ိုင်းဖွဲ့စကားပြောပုံကို တွေ့ရသည်။ ဦးခင်ညွန့်က စကား အများဆုံး ပြောဆိုကြောင်း တွေ့ရသည်။ သို့သော်လည်း ဗီဒီယိုဖိုင်တွင် အသံ ပါဝင်ခြင်း မရှိသဖြင့် မည်သည့်အကြောင်းအရာများကို ပြောနေကြောင်း မသိရပေ။
ဦးခင်ညွန့်သည် ယခင်က ကဲ့သို့ ကိုယ်လက်အမူအယာဖြင့် သွက်လက်စွာ စကားပြောနေသည်ကို မြင်ရသည်။
မကြာမီ ဇနီးမောင်နှံ ၂ ဦး အိတ်ငယ် ကိုယ်စီဖြင့် အပေါ်ထပ်မှ ဆင်းလာသည့်ပုံကို တွေ့ရသည်။
အမျိုးသမီး လေးဦးခန့်ကိုလည်း တွေ့ရသည်။ တချို့က ကလေးများကို ပွေ့ထားကြသည်။
ဦးခင်ညွန့်က ကလေးများကို နမ်းရှုံ့ပြီးနောက် အိမ်မှ ထွက်ကြသည်။
အဆောက်အအုံတခုသို့ အရောက်တွင် ၎င်းတို့ လင်မယားကို ကြိုဆိုသူများ ရှိနေသည်။ အမျိုးသမီး ၂ ဦးက လက်သုတ်ပုဝါများ ပေးကြသည်။
ဧည့်ခန်းအတွင်း စကားဝိုင်း ဖွဲ့ပုံကို ပြရာ ဦးခင်ညွန့်က စကားအများဆုံး ပြောသည်ကို တွေ့ရသည်။
ထိုမြင်ကွင်းများကို မကြာခဏ ဓာတ်ပုံရိုက် မှတ်တမ်းတင်နေသည်။
ဦးခင်ညွန့်သည် ၂၀၀၄ ခုနှစ် အောက်တိုဘာလတွင် ရာထူးမှ ဖယ်ရှားခံရပြီး မကြာမီ ထောင်ဒဏ် ၄၄ နှစ် ချမှတ်ခံရပြီး မိသားစုလိုက် နေအိမ်အကျယ်ချုပ် ချခံခဲ့ရသည်။
ဤမှတ်တမ်းဗီဒီယိုကို မည်သည့်အချိန်က ရိုက်ကူးထားမှန်း မသိရပေ။
လုံခြုံရေးတပ်ဖွဲ့ဝင်များ ထိုအိမ်ဝန်းကျင်တွင် မတွေ့ရသည်မှာ တလကျော်ခန့် ရှိပြီဟု ၎င်း၏ အိမ်အနီး နေထိုင်သူ မိုးမခ ပရိသတ် တဦးက ပြောသည်။
http://moemaka.com/index.php?option=com_content&task=view&id=7729&Itemid=1